باقي امثال
2 مشترك
صفحة 1 من اصل 1
باقي امثال
ذكرنا امثال سودانية سلبية وامثال ايجابية..ولم نتطرق للامثال التى تخص المراة فقط وذلك لايماننا باننا نتحدث-كالامثال-عن الانسان من حيث هو انسان بغض النظر عن الجنس(او الدين او اللون...لقيتونى كيف؟) اقول بهذه المناسبة اننا لم نتحدث عن امثال ثالثة هى الامثال (الكضابة) وهذا ما ذكرنى التطرق للمراة..المثل القائل المرة كان بقت فاس ما تشق الراس...ده مثل كضاااااب ..والله ضربة من مرة واحده تصدع بيك العمر كلو..(ارجو ان لا يسئ الخبثاء فهمى..فانا احاول نقل الحقائق ولا اتحدث عن نفسى)نرجع لى موضوع الاشعار السودانية التى صارت امثالا..واولها.(الصقر ان وقع كترة البتابت عيب.والمقدور ان حصل ما بنفع الجلقيب)..جميل..الناس ترجل وتاكل نارا..
قول الحردلو(ان جادت بى خيت العنكبوت تنقاد..وان عاقت تقطع سلسل الحداد)..فى روعة اكتر من كدة؟؟وتلخيص لى حال الدنيا وكل امورا احسن من ده؟؟؟..ثم هناك(ابل الرحيل الشايلة السقا وعطشانة)..
وهو الدوبيت.:
الناس فى العروض ما تقيسا بى تيبانا
ما يغرك لباسن والعروض عريانة
ديل حراس رزق زى التكنو امانة
زى ابل الرحيل شايلة السقا وعطشانة
هذا المقطع الدوبيتى كلو حكم وكلو امثال..ثم نصل الى..
(الليل والنهار واحد على العميان..واللوم والشكر واحد على السجمان)مش ده كلام صاح؟؟..
اتوقف هنا واترك البقية لاضافات الاخوة لانو واضح انو حصيلة الجميع اغنى من حصيلتى..
وفي انتظاركم
احمد- عضو مميز
- عدد المساهمات : 431
نقاط : 854
تاريخ التسجيل : 12/09/2009
رد: باقي امثال
اناما بعرف جيت ووقفت هنا كم مرة؟؟
بوست رائع جدا وشيق وممتع ،،
ماعندي اضافة بس حبيت اشارك،،
ولك التميز والتفرد اخي في هذا،،
ومالديك لا يضاهيه مثيل ،،
الى الامام ،،
تقبل مروري ،،
بوست رائع جدا وشيق وممتع ،،
ماعندي اضافة بس حبيت اشارك،،
ولك التميز والتفرد اخي في هذا،،
ومالديك لا يضاهيه مثيل ،،
الى الامام ،،
تقبل مروري ،،
لوليتا- عضو مميز
- عدد المساهمات : 491
نقاط : 867
تاريخ التسجيل : 23/06/2010
العمر : 36
رد: باقي امثال
العفو لوليتا ...
يد واحده ما بتصفق -بتلوح بالوداع- وإيد علي إيد نجدع بعيد
سلام كتييييييييييييييييييييير
وشكرا" ع المرور
يد واحده ما بتصفق -بتلوح بالوداع- وإيد علي إيد نجدع بعيد
سلام كتييييييييييييييييييييير
وشكرا" ع المرور
احمد- عضو مميز
- عدد المساهمات : 431
نقاط : 854
تاريخ التسجيل : 12/09/2009
رد: باقي امثال
خلاص بحاول ،،
وبمشي القط لي كم حاجة كده عشان نجي ونجدع بعيد،،
وبمشي القط لي كم حاجة كده عشان نجي ونجدع بعيد،،
لوليتا- عضو مميز
- عدد المساهمات : 491
نقاط : 867
تاريخ التسجيل : 23/06/2010
العمر : 36
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى