تثنيه علي كلام الخال محمد مضوي

لقد قرأت مقال الخال محمد مضوي فيمايخص الأسماء الحقيقيه لأعضاء المنتدي وهم من ابناء العيلفون حتي الواحد يعرف هو براسل في شخصيه او إسم يكون معروف لديه،مثلا بنلقي اسماء مجهوله لانعرف من اصحابها الحقيقين وخاصة أن من أهداف المنتدي إنو الناس تتعارف من خلال المنتدي فعلي سبيل المثال احيانا بنقرا موضوع من ودمقار،فانا بسال نفسي هل هو ابراهيم ولا عادل وحتي لو العضو عنده صوره مع الصوره ياريت لو يكتب اسمو وما ضروي يكتب إسمو بالكامل مثلا انا وبدون فخر مالك النور أحمد الشريف المكاوي ممكن لو كتبت مالك الشريف الاعضاء بعرفوا الإسم الحقيقي لي مالك الشريف فأرجو ان الأخ ود مقار مايكون زعل من كلامي دي مجرد دردشه والكلام ليك ياود مانديد،وانا من ابناء ام قحف ووالدي النور الشريف واخواني محمد ومجدي ومامون ومنزلنا غرب نادي الهلال ونسيب كل من هاشم الطاهر وعبدالقادر والشفيع،ومقيم في الولايات المتحده الامريكيه،ولاية كالفورنيا،مدينة اوكلاند،ولكم فائق إحترامي،والله من وراء القصد.