هل تستطيع حضور زواج حبيبتك او حبيبك..؟؟

انت يازول مالك مره مجانين ودكاتره نفسيين
ومره عيوني وعيونك اسباب لوعتي
ومره تعرس للناس في حبايبهم
انت يازول والله بتعوق لك زول بي طريقتك دي
انت يازول ما عندك مواضيع ساهلة وبت ناس عشان الزول ياخد ويدي معاك في النضم
انت يازول مالك بتجيب الكلام اللا بنبلع ولا بمرق
يا زول ما تعقل الله يهدينا ويهديك
والله تلحق البت بت ال...... لامن تعزمني لي عرسها الا اكان البحصل شنو داك ما بعرفو لكن اكيد بتحصل حصايا وعمايل
اهههااا كيفن تاباني وتعزمني لي عرسها ... بس كيفن
انت زاتك هسع دي اكان عزمتك بتجي ؟؟؟؟؟
مالك سكت ؟؟؟ ما تنضم؟؟
ما تقولو الكلام الما ببقي دا ؟
تعزمني كيفن يعني .؟؟
قال تعزمني لي عرسها قال ..؟ والله دي مسخره
يعني بتقصد شنو بي تعزمني ؟
يعني اجي اعاين ليها وهي ماسكه ايد راجلها ..؟؟ وماشة شهر العسل
والله غايتو شوف ... اكراما ليك انا بجاوبك
انا بجي .. لكن فينا زول بميشي المستشفي وزول بمشي الحراسه .. والبمشي الحراسه هاهو انا دا القدامك دا ياني بمشي الحراسه لكن تب هي بتمشي المستشفي ما في شك
اها ودعتك الله
قال تعزمني قال ..
اهههيي

قال تعزمني ؟؟

هاهاهاهاهاهاها
هاهاهاهاهاااااااا هييييييي هووووهااااااااههههههاااا
طيب ما تقول كدا من الصباح
شابكنا اكان عزمتك اكان عزمتك ؟؟؟؟؟
بالله ؟؟ دي علي منو ؟؟
انت اصلك كنت بتمهد لتخفيف شاكوش
وبما ان التمهيد لم يؤتي اكله فقد مهدت لان تزور او بالاحري تلبي دعوة صاحب الشاكوش سابقا والذي سوف يتزوج من غيرك حاليا
وبما ان هذا المشترك لا يمكن الوصول اليه حاليا فقد قررت انت ان تذهب اليه لاحقا باعتبار انه عزمك
وعشان انا ما اطلع من الموضوع واكون انصرافي زي اخونا قمر العشاء واللي بهدلوه بكلمتين وبعدين عزموه ومعاه لوليتا
انا اجاوبك
انا بصراحه ما حصل لي الموقف دا من قبل ؟؟؟ لاحظ ... لو ... بقول لو
لو حصل انها شوكشتني وبعدين عزمتني لزوم معليشش وكدا...
حا اقوم اشيل معاي كميه من مناديل فاين ابو حجم عائلي وكميه من الاسبرين ابو خمسمائة ملي جرام واشيل معاي فيكس حجم عائلي واشيل معاي غشاشه من بتاعة الاطفال ديك اللي بشتروها من الصيدليه ويسكتو بيها الاطفال لما يبكوا
واشيل معاي مستلزمات مانع البكاء والنواح وطبعا لازم من الجوال ومعاه سماعات عشان اركبها في اضني .... واتوكل علي الحي الذي لا يموت واقول كدا امشي
عجبك الكلام ؟؟؟؟؟
ايييي بمشي بمشي بمشي ....
مش انت قلت البحب ما بكره ؟
انا طبعا اكيد بحب ... وما بكره
وحا امشي ... مبسوط ...؟
بس يا ريت انت تقدر تمشي
اجي اجييي يا البحب ما بكره ؟؟
اجي اجييي ؟؟؟