هل تؤيد الذهاب للطبيب النفسي

من طرف **احمد** الإثنين ديسمبر 13, 2010 12:06 am

الحياة مليئه بالمشاكل والهموم والصعاب وهي تمر بنا بجميع مراحل العمر

فلا يوجد عمر معين لكي نمر بمشكله ما تنكد علينا حياتنا واستقرارها واعتقد ان اكثر المشاكل ربما تكون في بداية سن

المراهقه لما يفتقر الانسان للخبره الحياتيه وهذا ايضآ لا يمنع من وقوع الكبار ايضآ بها

وعند حدوث المشاكل البعض منا يستطيع تخطي تلك المشاكل والبدء من جديد

ليتذوق طعم السعاده فينسى الالم والمرارة

والبعض الاخر يقع في دائرة الحزن والالم ويسقط في الهاويه ولا يستطيع احد ممن حوله اخراجه مما فيه

فالحل يكون بالذهاب الى الطبيب النفسي

إذن...

هل تؤيد الذهاب الى الطبيب النفسي

ام انك ترى ان من يذهب اليه مجنون وان فكرت انت بالذهاب اليه كمان مجنون

هل ترى ان للاسرة والمحيطين بك دور في ذلك

هل تؤيد وجود اخصائي/ة نفسي/ه بالمدارس لمتابعة حلات الطلاب والطالبات والتنسيق فيما بينهم مع الاسرة

هل تؤيد الفحص النفسي قبل الزواج كما هو الحال للفحص الطبي الموجود حاليآ لمعرفه مدى امكانية توافقهم وتحملهم اعباء الزواج

هل ترى ان الاعلام الان والانفتاح الحاصل ادى الى تقبل فكرة الذهاب الى الطبيب النفسي

طيب اذا نصحك شخص بالذهاب الى الطبيب النفسي ماذا تجيبه

ان حصل واحتجت الذهاب الى الطبيب النفسي هل ستخبر احد

عن نفسي اؤيد ذلك بشده...

iam waiting

انت يازول جنيت ؟؟؟؟
في زول نصيح بيمشي للطبيب النفسي ؟؟؟؟؟؟؟؟؟؟؟
ويمشي برااااااهو ؟ اكان مشي براه يكون ما مجنون ؟؟
لكن اكان ودتو اختة ولا مرته يمكن يكون حالج مسمار ولا فاطي سطر ولا سطرين ثلاثه
غايتو انا النصيحه النصيحه مره مشيت التجاني الماحي وقمت يازول لقيت ليك الناس دي كلها قاعده تعاين لي
اتكلت في الحيطه ... تاني انتبهت لي نفسي وقلت يا ولد يا قمر العشاء الزول المجنون ياهو بقيف متل وقفتك دي دحين صلح وقفتك
قمت جمعت ايدي وطبقتهم في نصي .. لقيت نفسي زي الواقف انتباة ..
اهااا ياها دي زاتها وقفة المجانين قمت دخلت ايدي في جيوبي الاتنين
لقيت ليك الناس دي بتعاين لي الزول الغلباهو الوقفه دا ... مره ينتكل ومره يفرتك في ايديه ومره مش عارف ايه ؟؟؟
اها قلت يا زول انا لازم اتخارج من هناء .. انا زاتي الجابني هنا شنو ؟؟؟؟
بس داير امرق الا اشوف ليك الراجل بتاع التسجيل جاء علي وقال لي السلام عليكم ...
قلت ليه انا جيت معاي زول
قال لي انا قلت ليك السلام عليكم
قلت ليه وعليكم السلام لكن انا مارق
قال لي اصلك ما بتمرق طالما معاك زول الا الزول دا يجي
قلت ليه خلاص ما معاي زول انا براي
قال لا ابد اصلك ما بتمرق...
يا زول بقينا في فكني .. ما بفكك خليني ما بخليك خليتك ما خليتك الدكتور سمع الكلام والجوطة جا مارق ...
انا قلت الدكتور يكون عاقل شويه وبسمع الكلام ... قمت مشيت عليه
وقلت ليه ياخي اسمعني .. انت باين عليك اعقل زول هنا .. انا جيت ومارق قال الراجل داء قال لي ما بتمرق .. قلت ليه وقال لي وقلت ليه وقال
قام الدكتور العاقل ولا هو اللي افتكرتو عاقل قال لي خلاص كدي خش اشرب معانا شاي وبعدها ودعناك الله
لا لا لا ... لالالا انتو ماعندكم ضمان ,,, شاييكم دا اكيد تعملوا لي فيه مخدر والقي روحي كهربتي زايده
المهم ربك رب الخير يجيب لي زول بعرفه .. اها سلم علي وقال لي يازول مالك بي جاايي .؟
قلت ليه لا ابد اصلي جيت داير اصلي وامرق لكن بيني وبينك امشي اصلي في البيت اها مع السلامه
بس من ديك وعيييييييييييييييييييييييييييييييك

من طرف **احمد** الأربعاء ديسمبر 15, 2010 4:41 am

يا راااااااااااااااااااااااااااجل...

من طرف **لوليتا** الأربعاء ديسمبر 15, 2010 10:39 am

كل التحايا لك على الاختيار الوجيه،،
وبــــــــكــــــــــــــل تــــــــأكـــــــــــيـــــــــــد
أؤيد الذهاب الى الطبيب النفسي،،
وليس كل من توجه الى الطبيب النفسي مجنون !! وماهو بقصر على المجانين،،
والمشاكل والضغوط قد تواجه الفرد وهو في رحم أمه ،
وتظل تلازمه بقية حياته مضافاً اليه تلك الضغوط التي ستواجهه أيضاً في حياته،
تخيل معي شكل هذه الضغوط والمشاكل التي تزيد وتنمو معنا ،، ماهي الطاقة الكافية لتحملها؟؟ هل نملكها؟؟
لكل انسان حد معين للتحمل ،،
فهي كالكوب الذي يمتلئ شيئاً فشيئاً،، وعند حد معين يصبح غير قادر على تحمل المزيد،،
فهنا يجب ان يتعرض لملية التفريغ ن حتى يحوي المزيد،،
وهو بالضبط ما يحدث مع الانسان،،
آن ذاك ،، يكون الانسان في حاجة الى تفريغ تلك الشحنات التي اصبحت تعكر صفوه ومزاجه والتخلص منها،،
وهذا ليس باستطاعة اي شخص ، ولن يستطيع فعل ذلك الا الطبيب النفسي ،،
فهو يتعامل مع روح اكثره من ما ان يتعامل مع فكر،،
وهذه الروح النفسية تحتاج الى معاملة خاصة،، لها فنونها ولها اهلها،،

هل ترى ان للاسرة والمحيطين بك دور في ذلك
وللأسرة والمجتمع دور كبير ،، حيث أنه بصفة لا بد من التوعية بأهمية زيارة الطبيب النفسي.

هل تؤيد وجود اخصائي/ة نفسي/ه بالمدارس لمتابعة حلات الطلاب والطالبات والتنسيق فيما بينهم مع الاسرة
نعم أؤيد ،

هل تؤيد الفحص النفسي قبل الزواج كما هو الحال للفحص الطبي الموجود حاليآ لمعرفه مدى امكانية توافقهم وتحملهم اعباء الزواج
نعم أؤيد ،

هل ترى ان الاعلام الان والانفتاح الحاصل ادى الى تقبل فكرة الذهاب الى الطبيب النفسي
ليس بالمستوى المطلوب ، فلا زال حتى الآن مفهوم الطبيب النفسي ضيق جداً ، ولم يأخذ القدر الكافي من التعريف في مجتمعاتنا.

طيب اذا نصحك شخص بالذهاب الى الطبيب النفسي ماذا تجيبه
أولاً ـ أحييه على المشورة الرائعة والتي بالتأكيد تعود بالفائدة الأكيدة ولااااااااااااضر منها،،

ان حصل واحتجت الذهاب الى الطبيب النفسي هل ستخبر احد
نعم ، قنعاتي التامة بما افعله تجبرني على البوح به ،،

وكل أمنياتي بأن يجد الطب النفسي مساحة مناسبة في المجتمع ،،
يكفي اليقين ، بأن ليس كل من يذهب الى الطبيب النفسي مجنون،،
واحترامي وكل تقديري لكل طبيب نفسي،،
واحترامي وكل تقديري لك اخي احمد،،
تقبل مروري،،