أكان غشوك بأول حب

وحات البينا نحن زمان
رجوعك تاني ما بنفع
ياما جفيت وسامحتك
واترجيت خطاك ترجع
وانت اخترت تبقي بعيد
لا بترد.. و لا نتسمع
زمان بالجد اكنت حبيب
وفي عينيك حنان يلمع
وفي شفتيك خلاصة القول
حروف شفقانه شان تطع
الا هجرت واتماديت
وعهد الريد معاك ودع
وحات البينا يا ناسي
دروب الرجعه مقفوله
لأنك بادى بالهجران
وقلت صلتنا محلوله
بعت الذكري بالنسيان
وجنة ريدنا بي طولا
هجرت الريده والتحنان
محال من تاني ليك أخضع
زمان يا غالي في الوجدان
هواك زي فرحه مشتوله
بتشرب من جداول الحب
وترمي الظل عشان زولا
وانت الكنت سيد الحق
براك افسدت محصولا
وجاى الليله تترجي
تعيدالذكري من أولى
خلاص سافر ..خلاص أرحل
وحاول انت تتناسي
اقامتك في قصور قلبي
حرام بالفتوي والقانون
وما محتاجه لي دراسه
وقبلي تفوت أخير تعرف
نقطه مهمه حساسه
ناس الريده ناس ظاهرين
وانك تبرأ من ناسا
قبيل ما كنت بتهدد..
وتتحايل عشان ترحل
هسي أديتك التصريح
وشوف بعدك منو البزعل
وأكان غشوك باول حب
بكون في قلوبنا هو الأول
وانو محال نحب غيرك
مهما فؤادنا اتنقل
أعرف انو بند الحب
كمان مرات بيتعدل
وما مفروض علينا نحب
وننسي الريده نفشل
وما معقول نتابع قول
لا في السنه.. لا منزل

أحمد الحبر الشيخ إدريس عبد القادر زين العابدين محمد عبد الرحمن محمد بركات مضوي بركات حمد الشيخ إدريس محمد الأرباب

من طرف **Admin** الأربعاء أكتوبر 21, 2009 12:37 am

مشكوووووووووووووووووووور يا ود الحبر على القصيدة الرائعة جدا
ونحن في انتظار المزيد منك

أكان غشوك بأول حب

أكان غشوك بأول حب

رد: أكان غشوك بأول حب