للمقبلين علي الزواج عشره نصائح هامه جدا جدا

اعزائي العرسان

السلام عليكم والف مبروك مقدما وبيت مال وعيال ...
اولا هنالك اغلي عشره نصائح لن تجدها في اي مكان بالعالم
وهذه النصائح العشره مهمه جدا جدا جدا وارجو ان تركز عليها جيدا
النصيحه الاولي
لكي تتزوج يجب عليك ان تكون قد فكرت في هدة الطامه الكبري من جميع اركانها جيدا فانها كارثه
فان من تتزوجها ستترك كل ما لديها وتمسك فيك بايديها وكرعيها يعني حاتخلي امها وابوها وجميع اخوانها واخواتها وكل ما تعرف من الدنيا وحا تفرغ ليك تماما .. عارف يعني شنو تتفرغ ليك ؟؟؟؟ عارف انا قاصد شنو ؟؟؟؟
فاذا كنت مستعدا لهذه الاولي ممكن ننتقل للنصيحه التانيه
انت مقبل علي عمليه مسح شامله وسوف تمسح كل مملكتك القديمه سوف تمسح الاتي = سوف تمسح كل ممتلكاتك وتمسح شخصيتك وتمسح كل ارقام الجماعه اللي كنت بتعرفهم سابقا وسوف تمسح كل الرسائل من جوالك وسوف تمسح اخر دمعه من عينيك لان دموعك حا تجف من كثره البكاء علي العزوبيه
اذا كنت مستعدا لهذه يمكن ان ننتقل للنصيحه الثالثه
سوف تتعرض لعمليه تفتيش واستجواب بصوره يوميه وهي كالاتي كنت وين ؟ بتتكلم مع منو ؟ تلفونك مشغول ليه ؟ الفطر معاك منو ؟ في الحافله القعد جنبك منو ؟ ودفعت لي منو ؟ اتونستوا في شنو ؟ ضحكت معاها ليه ؟ كنت بتحلم امس بالليل بي شنو ؟ الريحه دي جبتها من وين ؟ الهداها ليك منو ؟ الشعره الطويله الفي قميصك دي جات من وين ؟ المنديل دا معطر ليه ؟ جزمتك دي نضيفه كدا لي شنو ؟
اذا كنت مستعدا لهذه ممكن نمشي للرابعه
صاحبتي جابو ليها عفش من ايطاليا .. ودهب من البحرين ... وجزمه من تركيا ... وعطور من باريس ... بس قلت اكلمك عشان تبارك ليها حاجاتها .. ايه رائيك تجي بعدين نمشي نبارك ليهم سواء . ؟ خلاص اتفقنا بس دايرين عربيه غير عربيتك المكركبه دي لازم صاحبتي تشوف عربيتك الجديده اللي حا تشتريها لينا بالاقساط انت مش قلت ناش البنك بدوا عربات بالاقساط يلا خلاص بكره قدم ليهم انت داير تتزوجني بدون عربيه ؟؟؟
اذا كنت مستعد ممكن نمشي للخامسه
هي نسيت ما كلمتك .. طبعا صاحبتي كان عرسها في فندق هناي العالمي والحفله كانت بي هناي الهناي وشهر العسل كان في البلد الهنايه ديك وعرف سافروا بيي
ياتو خطوط ؟ سافرو بي هناي ايروايز فيرست كلاس ونزلوا في فندق هناي بيراميدز
اذا كنت مستعد ممكن نمشي للسادسه ولكن حقوا اكتفي بهذا القدر لانه باين عليك ما داير تسمع مني زياده
علي العموم ما تنسي تعزمني عنواني باسفل الشاشه
بااااااااي

ياخي انا بقيت ادخل المنتدي ... احمد في ؟؟؟ بتصفح لا احمد مافي طوالي بتخارج
وبالمناسبه .... الموضوع دا انا قصدتك بيهو بالاسم ما عارف ليه ؟؟؟

انت شكلك راس الصوت وصلك والحياه حلوه ما قلنا حاجه بس كمان الحريه برضو احلي
ولا انا غلطان؟؟؟؟

ما هـــــــــــــــو دا الجنــــــــــــــــــــن عبد القادر
وهو قال ليك الموضوع دا جا من فراغ ؟؟؟؟؟
عشان كدا غيرنا المقررات ونزلنا مواد كنا شايلينها وشلنا مواد كنا منزلينها
وكـــــــــــــــــــــــــــــــــد ا

الساده / احمد / شمشار لوليتا
اسعد الله مساءكم بكل خير وادام سعدكم وخفف من شواكيشكم وقلل من بكاءكم الغير مخفي وخصوصا كبير البكائيين اخونا احمد وهو يبدو عليه البكاء منذ زمن ونسال الله ان يخفف مصابك ويداوي جراحك وليس كل ما يتمني المرء يدركه
الاخت لوليتا اصابها رائش من رصاص اخونا شمشار والذي يطلق النار دون تحديد اهداف معينه مما يجلب الروايش لغير الناطقين بالبكاء
والثلاثي المذكور كونوا فريق او رابطه اطلقوا عليها
زيدني من دلك شويه وكثر الاشواق علي
يمكن قلبك يصفوا لي وتملاء بالاشواق عينيا
والانتساب لهده الرابطه لا يتم الا بعد ان تنطبق عليك بعض الصفات ابعدكم الله عنها
احمد مشوكش او مجروح مرتين
لوليتا رايح ليها الدرب في المويه
شمشار بيعرف يولع النيران لكن هو ذاتوا رايح ليه الدرب
ونسال الله لكم الصبر والسلوان
وللجماعه ديك ربنا يحسن عزاهم
وكل شاكوش والجميع بخير

يا خي حمدا الله علي سلامتك وتانيا انت ليك ساعه غاتس يتعمل في شنو ؟؟
انت عندك نافذه بتاعة شات مفتوحه وانا شايفك مره تدينا كلمتين وتلخم ابو ساره وتعينوا ماذون وتلخمني انا بالرابطه وتعمل لينا فيها انت الفاكي تسجيلك براك والناش الشافوك قاعد في الركن الهادي بهنااااك ومناديلك في الواطه ماليه الفجه وبتاع الكناسه يكنس وانت تبكي والناس تتفرج
وبعدين يا خوي فك التسجيل ممكن يكون من الجانبين
وما فيها حاجه انا زاااتي فكوا تسجيلي وسجلوا بدلي لاعب خليجي
وهسه مالي ؟؟؟ قالوا ليك قاعد اجدع ؟ ولا بلقط في الاكياس ؟
والله كمان قال ليك الشاكوش الما بصيبك بقويك
وقالوا في المثل شاكوش مضمون ولا عرسه بالدين
وقالوا كمان شاكوشين في الراس بيوجعن
وتاني قالوا شاكوشا مو شاكوشك جر فوقو الشوك
وتاني في مثل عربي بيقول
كن كالمسمار لا يزيدنك طرق الشاكوش الا ثباتا
والله لينا