صاحب العقل يميز

اخواني واخوتي اعضاء الاستراحه
اسعد الله يومك ومتعكم بالصحه والعافيه
هنالك عضو نشط جدا ومواضيعه المطروحه شيقه جدا وممتعه وجديده الشهاده لله
ولكنها تنحصر في الاتي نعمه البصر ) العيون السود ) فن التعامل ) وقصائد امرؤ القيس ) وكدا يعني ما في داعي استرسل في بقيه المواضيه
وهي كا اسلفت مواضيع لذيذه وشيقه وممتعه ويتناولها بطريقه سرد تشد القاري وتجبره الي المشاركه
ولكن الما بشوف من العربال ببقي اعمي
اها نجي راجعين لي زولنا دا
زولنا دا باقي لي واستغفر الله استغفر الله اظن وان بعد الظن اثم يا بكون بحب وغرقان لي هنا لي هنا دي انا ختيت ايدي في حلقي
واما كان بحب واخد واحد جامد من خليجي
يا بكون داير يحب بس خجلان يا بكون حبا اصلا بس ما قادر يعترف ليها
عموما احبائي في كل هذه الحالات وجب علينا ان نساعده بشتي السبل ونحن ابناء منطقه واحده مشهود لها بالتكاتف والمساعده
لذلك فتشوا معاي عشان نعرف المقصود بالكلام دا منو واكان عرفتوه خلونا نساعده ظابط ؟؟؟
يلا نفتش

يا اخوانا والله حقيقه تسلموا تسلموا بس انتو عرفتوه كيف دا احمد ؟؟
وكلنا رهن المساعده بس البقنع الديك شنو؟؟؟؟

استراحتكم بس ناقصه ليها شيشه وست قهوه وتبقي 10 علي عشره والله ليها طعم ورائحه ولون
تحياتنا يا لوليتا واحمد وبقيه العقد الفريد
بس شمشار دا كتفوا والله بجيب ليكم هواء مع احمد
الاولاد ديل طرده ولا شنو
تخريمه
شمشار دا يكون حركه شعبيه

اخوانا في المنتدي ... زي اخونا في الله
اولا نحيي ونبارك ونؤيد ومن ثم نشجب وندين ونستنكر ...
مع اني ما عارف احيي شنو ولا استنكر شنو لكن عجبتي الروح الحلوه المشتركه بين اخونا احمد وعدوه اللدود شمشار والحكم الدولي لوليتا وعجبني الدفس والرفس البعملو فيهو دا اولا الحق لله ادي الاستراحه طعم وخلاني كل يوم اقوم اجي المنتدي واشوف شمشار واحمد اتشكلوا الليله في شنو
واشوف لوليتا عرفت تفرتقهم ولا غلبوها واستعانت بالقوات الخاصه
طبعا انا قبل يومين قمت اتدخلت بينهم قامت فيني نيران صديقه المهم في الامر احترمت نفسي واتخارجت
بس حكايه الخليجي دي انت يا لوليتا ما فهمتيها
شمشار بيقصد ان في واحد جايي من الخليج عمل مقص لي اخونا احمد وقلع منه شويه الحنان بتاعه نظام حقاره وكدا
اها قام احمد لمه في شمشار قطيع ونتيش
بس الحاجه المتاكد منها انو اخونا شمشار والغائب عن المجلس الان لانه بعاني من حادث حركه مؤسف تسبب في قطع كرعينه الاتنين وايده الشمال مع شويه نظيف داخلي وهو الان طريح العنايه المركزه وهو بين الموت والموت بس المصيبه انه زول مفلس ما عندو حاجه يرثوها منه الا الحنان بتاعه
لذلك ومن هذا المنبر انا اتبرع بحنان شمار كهديه لاخونا احمد عوضا عن الحنان الخليجي المنزوع الدسم
تخريمه خارج المقرر
الحنان بتاع شمشار مستورد وعليه ضرائب وزكاة وجمارك لان شمشار استورده بدون اعفاء جمركي ولان شمشار عودته لم تكن نهائيه حسب قانون الجمارك لكن بعد الحادث دا باقي لي شمشار عوده ما منا فايده
ادعو ليه يقوم بالسلامه واتبرعوا ليه بمقعد معوقين ونظاره نظر وعصايه